Dawlada Somaliya Oo Sheegtay Inay Ka Danbeysay Sii Deynta Cabdikariim Qalbi-Dhagax

Danjiraha dowladda Itoobiya u fadhiya
Soomaaliya Jamaaludiin Mustafa Cumar ayaa sheegay in sii deyntii C/kariin Sheekh Muuse (Qalbi-Dhagax) ay ku timid codsi ka yimid dowladda Soomaaliya.

Jamaaludiin Mustafa oo la hadlayay warbaahinta dowladda ayaa sheegay in C/kariin Qalbi Dhagax lagu sii daayay codsiga dowladda Soomaaliya, isla markaana dowladda Itoobiya ay tixgelisay codsigaas.

“Sii deynta Qalbi Dhagax waxay ku timid wada hadal dhex maray dowladaha Soomaaliya iyo Itoobiya,dowladda Federaalka Itoobiyana waxay tixgelisay codsigaas, waana la sii daayay” ayuu yidhi Danjire Jamaaludiin.

Dhinaca kale Safiirka ayaa waxba kama jiraan ku tilmaamay hadal si qaldan loo fasiray, kaasoo ahaa hadalkii Ra’iisul Wasaaraha Abiy Ahmed ee ahaa in la mideynayo labada dal, waxaana uu tilmaamay in aanay waxba ka jirin labo dal oo la mideynayo, balse ujeedada tahay sidii dhaqaalaha labada dal loo mideyn lahaa.

Labo maalin ka hor ayay aheyd markii la xaqiijiyay in la sii daayay C/kariin Qalbi Dhagax, kaddib markii bishii August ee sanadkii hore ay dowladda Soomaaliya ku wareejiyay dowladda Itoobiya.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s