Maalmihii u dambeeyay waxa magaalada Garowe ee xarunta Puntland ku sugnaa waxgarad reer Somaliland ah oo dhawaan ka kicitimay magaalada Hargeysa ee caasimadda Somaliland

-Maalmihii u dambeeyay waxa magaalada Garowe ee xarunta Puntland ku sugnaa waxgarad reer Somaliland ah oo dhawaan ka kicitimay magaalada Hargeysa ee caasimadda Somaliland.

Waxgaradkan reer Somaliland oo aan ujeedada safarkooda war rasmi ah laga haynin, ayaa la sheegay inay Garowe u tageen sidii dagaalkii Tuko-raq ka dhacay loogu dhammayn lahaa wada hadal islamarkaana looga dheeraan lahaa in dagaal dambe jiidaas ka qarxo.

Odayaashan oo isugu jira Salaadiin iyo ganacsato ayaa waxa la sheegay inay dhawrkii maalmood ee ay halkaas joogeen kulamo la yeesheen madaxda dhaqanka iyo ganacsatada reer Puntland oo ay ka wada sheekaysteen sidii colaadaas Tuko-raq loogu dhammayn lahaa nabadgelyo.

Warku wuxuu sheegay inaanay odayaashani wax kulan ah la yeelan cid ka tirsan maamul goboleedka Puntland, waxaanay kulamadoodu ku koobnaayeen madaxda dhaqanka iyo ganacsatada.

Lama oga in odayaashani safarkooda ku wargeliyeen xukuumadda Somaliland, waxase ay wararka qaar sheegayaan in xukuumadu ka war qabtay socdaalkooda nabadeed. Waxgaradkan oo ka kooban 7 xubnood, waxa la filayaa inay maanta ku soo laabtaan magaalada Hargeysa, iyagoo wata diyaarad gaar ah oo ay ku tageen kagana soo noqdeen Garowe.

Magacyadooda ayaa kala ah:

  1. Suldaan Maxamuud Guuleed Mire
  2. Suldaan Maxamuud Xaaji Xuseen
  3. DR. Axmed Aadan Buuxane
  4. Ganacsade Jamaal Caydiid Ibraahim
  5. Ganacsade Cismaan Baane
  6. Ganacsade Xasan Yuusuf
  7. Siciid Aadan Guuleed

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s