Madaxweynaha JSL Muuse Biixi Cabdi iyo hoggaanka xisbiga Waddani ayaa shalay kulan gondaha is daray, waxaana kulanka loogu sii gogol xaadhayay kulan maanta dhex maraya saddexda xisbi qaran oo uu Madaxweyne Biixi goob-joog ahaan doono

Madaxweynaha JSL Muuse Biixi Cabdi iyo hoggaanka xisbiga Waddani ayaa shalay kulan gondaha is daray, waxaana kulanka loogu sii gogol xaadhayay kulan maanta dhex maraya saddexda xisbi qaran oo uu Madaxweyne Biixi goob-joog ahaan doono oo lagaga tashan doono arrimaha doorashooyinka Baarlamaanka iyo goleyaasha deegaanka oo la qorsheeyay inay qabsoomaan March 2019.

Ma jiro war rasmi ah oo ay madaxtooyada iyo xisbiga Waddani ka soo saareen kulankan shalay madaxtooyada ka qabsoomay, laakiin warar xogogaala ayaa Geeska Afrika u xaqiijiyay in kulanka oo uu Madaxweyne Biixi dalbaday ujeedadiisu ahayd in loo sii gogol xaadho kulanka maanta ee saddexda xisbi si uu kulanka maantu u noqdo mid degen.

Warku wuxuu sheegay in xisbiga mucaaradka ah ee Waddani ay Madaxweyne Biixi iyo masuuliyiintii kale ee weheliyay u bandhigeen mawqifka xisbiga Waddani ee ku saabsan guddiga doorashooyinka oo uu Waddani bishii March sheegay inuu kalsoonidii kala noqday, waxaanay madaxda Waddani si cad ugu sheegeen Madaxweyne Biixi iyo masuuliyiin kale oo kulanka ku weheliyay inaanay ka qayb galayn doorasho ay guddiga doorashada ee wakhtigani masuul ka yihiin, waxaanu Waddani soo jeediyay in si deg deg ah loo kala diro xubnaha guddiga doorashada.

Laakiin xubnihii Madaxweyne Biixi kulanka ku weheliyay gaar ahaan Madaxweyne-xigeen Saylici ayaa sheegay inay adagtahay in guddiga doorashada wakhtigan la kala diro, isagoo soo bandhigay dhawr qodob oo uu sheegay inaanay suurtogal ka dhigayn in guddida doorashooyinka wakhtigan la kala diro.

Waxaanu sida warku sheegay uu qodobkan ku saabsan kala dirista guddiga doorashooyinku u muuqday mid ay aragti ahaan aad ugu kala fogyihiin Madaxweyne Biixi iyo xubnihii dhinaciisa weheliyay iyo hoggaanka xisbiga Waddani.

Waxa loo balamay in maanta ay saddexda xisbi ee KULMIYE, WADDANI iyo UCID isugu yimaadaan shir lagaga tashanayo arrimahan, kaas oo uu Madaxweyne Biixina goob-joog ahaan doono.

Sida warkan uu Geeska Afrika sheegay Madaxweyne Biixi waxa dhinaciisa weheliyay

  1. Madaxweyne-xigeen Saylici
  2. Wasiirka waxbarashada Yaasiin Faratoon
  3. Guddoomiye-xigeenka 2aad ee KULMIYE Axmed Cabdi-dheere
  4. Cabdicasiis Maxamed Samaale oo ka tirsan xisbiga KULMIYE
  5. Wasiirka Xanaanada xoolaha iyo kalluumaysiga Xasan Gaafaadhi

Dhinaca xisbiga Waddani waxa hoggaaminayay guddoomiye Cabdiraxmaan-Cirro, waxaana weheliyay

  1. Guddoomiyaha ku meelgaadhka ah ee xisbiga Waddani Xildhibaan Cabdiqaadir Jirde
  2. Hoggaamiyaha xisbiga Waddani Xirsi Cali Xaaji Xasan
  3. Guddoomiye-xigeenka 1aad ee xisbiga Waddani Cabdirisaaq Khaliif

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s