Cabdi ileey iyo Asxaabtiis maxaa lagu soo eeddeeyey xog kooban

Cabdi Iley Iyo Asxaabtiisa maxaa lagusoo eedeeyay maanta?-Xog kooban!

47 oo uu ugu horeeyo Madaxweynihii hore ee deegaan ka Soomaalida Cabdi Maxamuud Cumar(Iley) ayaa maanta dacwadooda lahorgeeyay maxkamadda sare ee dalka Ittoobbiya.Xeer ilaalinta ayaa halkaa kusoo bandhigtay danbiyada loo haysto eedaysanayaasha oo ay kamid yihiin;-

1.Aas-aasida iyo abaabulka koox loogu magac daray H E E G O oo ay dawladu kubixisay qarash kabadan 9 milyan oo birr oo uuleeyahay xafiiska dhalinyarada iyo ciyaaraha ee deegaanka islamarkaana loo qeybiyay teleefoono nooca Samsung galaxy-ga ah oo gaadhay 41xabbo,iyaga oo sidoo kale lamagacaabay 9xubnood oo guddiga fulinta ah lagu qalabeeyay bastoolado. Kooxda ayaa loo furay bar facebook-ga ah oo loogu magac daray”Heego waa heegan”.halkaas oo ay ka faafinayeen dacaayado kadhan ah dawlada dhexe oo ay kujiraan in Shidaalka,dahabka iyo kheyraadka deegaanka ay xoog ku qaadanayso,ayna doonayso in ay si sharcidaro ah udumiso xukuumada deegaanka ka jirta.Waxa kale oo ay sheegeen baa layidhi koox dani in qowmiyada Oromada oo adeegsanaysa ciidamadeeda federaalka ay lawareegayso dhulka Soomaaliyeed.

Sida ku cad eedeeymaha maxkamadda la horkeenay HEEGO ayaa amar buuxa oo uu leeyahay madaxwey nihii deegaanka ee xilligaas Cabdi Iley lagu siiyay:-

✔In ay iska horkeenaan shacabka deegaanka soomaalida iyo qowmiyadaha kale ee la degan.
✔Boob iyo dhac ay ugeystaan bangiyada iyo ganacsiyada qowmiyadaha kale.
✔Gubida kaniisadaha ay qowmiyadaha kale magaalada kuleeyihiin.
✔Abaabulka dhalinyarada gobolada iyo degmooyinka oo lagasoo dhaadhiciyo in shaqooyin lasiinayo haddio ay difaacaan nidaamka deegaanka kajira.
✔In ay beegsadaan cid walba oo ay u arkaan in ay kasoo horjeedo amaba khatar kuyihiin maamulka deegaanka kajira.

Amarka Madaxweynihii hore ayaa sidoo kale lasheegay in uu farayay ciidamada kahortaga rabshadaha ee looyaqaano”Armaa batenaaga”in ayna wax falcelin ah kasameyni karin howlgalada ay fulinayso kooxda heego islamarkaana ay xeryahooda ku ekaadaan.

Falalkaa ay heego ka geysatay deegaanka ayaa lasheegay in ay kadhasheen waxyeelo balaadhan oo isugu jirta dhimashada 59 qof,dhaawac iyo burbur hantiyadeed oo gaadhaya 412 Milyan oo birr.

Dacwad oogida xeer ilaalinta kadib ayay Maxkamadu amartay in eedeysanayaasha la siiyo fursad ay iskaga difaacaan qodobada lagusoo oogay islamarkaana maxkamada dib loogu soo celiyo 29ka bisha Tir ee kalandarka Itoobiya Inta kahoreysana lagu sii haayo xabsiga saxitaanka ee addisabeba iyada oo waxii damiin ahna markaa kadib la eegi doono.Isla maxkamadda ayaa sidoo kale go’aamisay in eedaysane;Teddy lagusii daayo damiin kadib markii uu miiska dhigay adduun lacageed oo gaadhaya sideetan kun oo birr.

By Catoosh

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s