Sawirradii ugu dambeeyay ee xeebta liido iyo sameeynta Covid-19

Xeebta Liido ee degamada Casiis waxaa isugu yimaada bulshada Gobolka Banaadir waana goobta ugu dalxiiska qurxoon ee ku taalla Caasimada dalka .

Hase ahaatee maamulka gobolka banaadir ayaa kordhinay Ciidamo Boolis ah oo loogu talagalay inay ka howl-gallaan Xeebta si dadka usoo dabaal tago loo celiyo taasi oo lagu xakameynayo faafitaanka Cudurka Covid-19 oo kiiskii shanaad laga diwaan geliyay guud ahaan dalka .

Hadaba warbaahinta Qaranka ayaa maanta booqatay dhaq dhaqaaqa bulsho ee xeebta ka dib go’aankii dhawaan kasoo baxay dowladda hoose ee ahaa inaan laysku imaanin muddo labo isbuuc ah.

Taliyaha Saldhiga Degmada Cabdicasiis Gashaanle Axmed Cabdullaahi Baashane oo kula kulanay isagoo ku guda jiro howshii loo ekmaday ayaa inoo sheegay in tirada  dadka maanta yimid  xeebta liido ay hoos u dhacday  laakinse wali ay jiraan in dadka aanan fahmin muhiimada loo xakameynayo.

“Dadka maanta oo jimaco ah yimid Xeebta Liido boqolkiiba % 80 hoos ayay u dhaceen laakin wali waxaan u baahanahay in bulshada  la gaarsiiyo wacyigelinta qatarta uu leeyahay Cudurkaan Karoona feeriska, sidoo kale maamulada degmooyinka gobolka banaadir waxaan ku boorineynaa inay la qaadaan culayska maadaama ay dadkaan ay ka imaanayaan dhamaan degmooyinka gobolka banaadir” sidaas waxaa yiri Taliyaha Saldhiga Degmada Cabdicasiis Gashaanle Axmed Cabdullaahi Baashane

Maalmaha fasaxa waxaa usoo dalxiis taga Xeebta Liido  bulsho u badan dhalinyaro oo ay qaarkood yihiin caruur iyo sidoo kale qoysas madaama maalinta jimacada laga nasanoyo shaqooyinka .

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s